समाचार

लायन्स क्लबको अवार्ड वितरण

रत्ननगर, ८ जेठ । लायन्स क्लब अफ चितवन राइनो सिटीको स्थापना दिवसको अवसरमा चार्टर रात्री तथा अवार्ड वितरण कार्यक्रम गरिएको छ । आठौं स्थापना दिवसको अवसरमा आयोजित कार्यक्रममा लायन्स अफ दि इयर अवार्ड युगबहादुर थापालाई प्रदान गरिएको थियो । कार्यक्रममा लायन्सको विभिन्न गतिविधिमा उल्लेखनीय योगदान गर्ने सदस्यहरुलाई पनि सम्मान गरिएको थियो । वर्ष २०१५÷२०१६ का अध्यक्ष वेदप्रसाद आचार्यको अध्यक्षतामा भएको कार्यक्रमका प्रमुख अतिथि रत्ननगर नगरपालिकाका कार्यकारी अधिकृत काशिराम गैरे, संस्थापनक मेयर नारायण वन, संस्थाका संस्थापक अध्यक्ष रामकुमार तिवारी, पूर्वअध्यक्ष राजाराम रेग्मी, निरज श्रेष्ठ, लायन्स क्लब अफ चितवन सौराहाका अध्यक्ष प्रकाशचन्द्र भट्टराई, एरिया चिफ राम श्रेष्ठ, प्रथम उपाध्यक्ष उमेर गिरीलगायतले मन्तव्य व्यक्त गरेका थिए । क्लबले विभिन्न सामाजिक उत्तरदायित्व अन्तर्गत विपन्न बस्तीमा छात्रवृत्ति, असहाय केन्द्रमा सहयोग, भूकम्पपीडितलाई आर्थिक सहयोग, एसएलसीमा उत्कृष्ट छात्रछात्रालाई सम्मान एवम् गैंडा दिवसको अवसरमा सचेतनामूलक कार्यक्रम समेत गर्दै आएको संस्थाका अध्यक्ष वेदप्रसाद आचार्यले बताए ।