समाचार
नारायणगढ, ८ असार । चितवनका युवाहरुलाई लक्षित गरी आयोजना गर्न लागिएको उत्प्रेरणा गोष्ठीको तयारी अन्तिम चरणमा पुगेको छ ।
मंगलबार पत्रकार सम्मेलनको आयोजना गरी कार्यक्रमबारे जानकारी गराइएको हो । चितवनका युवाहरुलाई लक्षित गरी आज बुधबार भरतपुर क्यान्सर अस्पतालको सभाहलमा गोष्ठीको आयोजना गर्न लागिएको हो । अन्तर्राष्ट्रिय स्तरसम्म ख्यातिीप्राप्त युवा उत्प्रेरक तथा प्रवक्ता सौनक भट्टले गोष्ठीमा युवाहरुको क्षमता विकासमा टेवा पु¥याउने जीवन उपयोगी प्रवचन दिनेछन् ।
लियो क्लब अफ चितवन सेन्ट्रल र लायन्स क्लब अफ चितवन सेन्ट्रलले १६ देखि ३० वर्षका युवाहरुलाई लक्षित गरी गोष्ठीको आयोजना गरेको हो । आत्महत्यालाई निरुत्साहित गर्दै युवाहरुमा सकारात्मक भावनाको उत्प्रेरणा जगाउनु गोष्ठी आयोजनाको उद्देश्य रहेको लियो क्लब अफ चितवन सेन्ट्रलका अध्यक्ष विकल घिमिरेले जानकारी दिए । पत्रकार सम्मलेनमा बोल्दै युवा उत्प्रेरक सौनक भट्टले युवाहरुमा सकारात्मक उर्जालाई वृद्धि गर्न, जीवनको लक्ष्यको बारेमा बुझाउन गोष्ठी फलदायी हुने विश्वास व्यक्त गरे ।
