Sun01212018

Last update01:57:25 AM

Back You are here: Home समाचार बछौलीमा एमालेको वडा कार्यालय

समाचार

बछौलीमा एमालेको वडा कार्यालय

नारायणगढ, २९ चैत । स्थानीय तहको निर्वाचनलाई केन्द्रित गरी एमालेले बछौलीमा सोमबार वडा कार्यालय स्थापना गरेको छ ।
नेकपा एमाले रत्ननगर वडा नं. ६, वडा कार्यालयको पार्टीका वैकल्पिक केन्द्रीय सदस्य तथा जिल्ला इज्चार्ज कृष्ण खनालले उद्घाटन गरेका थिए । उनले सबैको सहमतिमा वडा अध्यक्षसहितको पदलाई टुङ्गो लगाएर चुनाव प्रचारमा जुट्न कार्यकर्तालाई आग्रह गरे । गाउँदेखि केन्द्रसम्म एमालेको अवस्था राम्रो रहेको भन्दै उनले जनताको घरघरमा पुगेर एमालेले गरेका सकारात्मक कामबारे जानकारी गराउन आग्रह गरे ।
वडा अध्यक्ष विष्णु थापाको अध्यक्षतामा सम्पन्न कार्यक्रममा जिल्ला सचिवालय सदस्य नारायण वन, प्रदेश सदस्य तथा नगर कमिटीका निवर्तमान अध्यक्ष प्रेमनाथ दुवाडी, नगर अध्यक्ष बद्रिनाथ घिमिरे, जिल्ला सदस्यहरु राजाराम रेग्मी, चण्डिका ढकाल, विशेष नगर कमिटी बछौलीका अध्यक्ष लोकराज भुषाल, क्षेत्रीय सदस्य अर्जुन ढकाल लगायतले मन्तव्य राखेका थिए ।