Mon12112017

Last update01:57:25 AM

Back You are here: Home समाचार नयाँ वर्षमा इन्द्रणी साँझ

समाचार

नयाँ वर्षमा इन्द्रणी साँझ

चितवन, २९ चैत । नारायणगढको नारायणी कला मन्दिरमा बैशाख एक गते गरिमा इन्द्रेणी साँझ २०७४ आयोजना हुने भएको छ ।
कला मन्दिरले सोमबार नारायणगढमा पत्रकार सम्मेलनको आयोजना गरी इन्द्रेणी साँझबारे जानकारी गराएको हो । पाँच सय दर्शक आउने अपेक्षा गरिएको कार्यक्रममा स्थानीय ४० देखि ४५ जना कलाकारले आफ्नो कला प्रस्तुत गर्ने नारायणी कला मन्दिरका अध्यक्ष उमेश अधिकारीले जानकारी दिए ।
इन्द्रेणी साँझको प्रवेश शुल्क प्रतिव्यक्ति एक हजार रुपैयाँ तोकिएको छ । प्रवेश पास लिनेहरुलाई बेलुकाको खाना र खाजा निःशुल्क उपलब्ध गराइनेछ । मौलिक गीत तथा स्थानीय कलाकारलाई प्रोत्साहन गर्नका लागि नयाँ वर्षको अवसर पारेर प्रत्येक वर्ष ईन्द्रेणी साँझ आयोजना हुँदै आएको कला मन्दिरका उपाध्यक्ष अमर प्रधानले जानकारी दिए ।
इन्द्रेणी साँझमा अनुराधा क्षेत्री, एकराज रोकाया, सबिना गौतम, बिना सेञ्चुरी, मधु लामा लगायतले गीत प्रस्तुत गर्नेछन् । गरिमा विकास बैंक लिमिटेड मुख्य प्रयोजक रहेको कार्यक्रमा सानमिगेल, ओल्ड दरबार, चौतारी यातायात व्यवसायी समिति, ग्रिस्भ पावर, बुडलेस ट्रेडिङ, स्वर्णलक्ष्मी बचत तथा ऋण सहकारी, त्रिदेव घर जग्गा कारोबार प्रायोजक रहेका छन् ।