Mon12112017

Last update01:57:25 AM

Back You are here: Home विचार खैरहनीलाई समृद्ध नगर वनाउँछुः लालमणी चौधरी

विचार

खैरहनीलाई समृद्ध नगर वनाउँछुः लालमणी चौधरी

नेकपा एमालेबाट खैरहनी नगरपालिकामा मेयरका लागि लालमणी चौधरीको उम्मेदवारी छ । २०२० सालमा साविक खैरहनी ७ मझुईमा जन्मिएका चौधरी क्षेत्र नम्वर एकको इन्चार्ज, जिल्ला सचिवालय सदस्य, अंचल समन्वय कमिटि सदस्य हुँदै हाल एमालेको केन्द्रिय अनुसासन आयोगका सदस्य छन् ।  २०६४ सालमा भएको पहिलो संविधान सभाको निर्वाचनमा उनी निर्वाचित भएका थिए । खैरहनी गाविसका पूर्व अध्यक्षसमेत रहेका चौधरी लोथर राप्ती संरक्षण समितिका कोषाध्यक्ष लगायत विभिन्न संघसंस्थामा रहेर काम पनि गरेका छन् । कृषिमा स्नातक तह उर्तिण गरेका चौधरी राष्ट्रिय कृषि अनुसन्धान परिषदको काउन्सिल सदस्य, अनुसन्धान निर्देशनालय कृषि र पशु विज्ञान अध्ययन संस्थान रामपुरमा अनुसन्धान सहायकको रुपमा काम गरेको व्यक्ति हुन् । साँसदको कार्यकालपछि लगातार सामाजिक कार्यमा क्रियाशिल मेयरका उम्मेदवार लालमणी चौधरीसंग गरिएको कुराकानी । 

ँ निर्वाचनको प्रचार प्रसारमा जाँदा कस्तो समर्थन पाउनु भा’छ ? 

२ सुरु देखिनै उत्साह थियो । त्यो उत्साह आजसम्म पनि जारी छ । आम नगरवासीले पूर्ण सहयोग गर्ने वचन दिनु भएको छ । 

ँतपाई त पूर्व साँसद नगरपालिकाको मेयरमा कि नि दावी ? 

२ म एमालेको सिपाही हुँ । पार्टीले दिएको जिम्मेवारी मान्नु मेरो कर्तव्य हो । पार्टीले मेयरमै उठाउने निर्णण गरेकाले निर्वाचनको प्रतिस्पर्धामा छु  । 

ँ साँसद हुँदा धेरै काम नगरेको आरोप छ नि तपाईमाथि ? 

२ वास्तविकता त्यो होईन् । यो आरोपका लागि लगाईएको आरोपमात्रै हो । साँसद छँदा संसदमा राज्य विभाजन गर्न हुदैन भनेर आवाज उठाउने म पहिलो साँसद हुँ । यही आवाजमा धेरैको समर्थन थियो । लोथर राप्ती ड्याक संरक्षण समितिको म कोषाध्यक्ष हो । हेर्नुस् त्यहाँ कति काम भएको छ । २०२७ साल, २०५० सालको बाढीले यहाँको अवस्था कस्तो थियो सवैलाई थाहै छ । २० वर्षसम्म बाढीले केही गर्न नसक्ने गरी ड्याक मर्मत र निर्माण भएको छ । अहिले थप दुई किलोमिटर ड्याक निर्माण गरिएको छ । त्यसलाई सौराहासम्म जोडेर यहाँका नागरिकको रक्षा गर्नु र कृषि योग्य जमिन संरक्षणको काम भएको छ । त्यो वेला यस स्थानमा छ वटा पुल निर्माण गरिएको छ । बाटोघाटो निर्माण, मर्मत भएका छन् । खैरहनी माविको पुर्ननिर्माणका लागि बजेट विनियोजन गरिएको थियो । यि सवै काम होईनन् र ? 

ँ मतदाता समक्ष कस्तो एजेण्डा लिएर जानु भएको छ ? 

२ खैरहनी नगरपालिकालाई समृद्ध बनाउने योजना छ । विशेष गरी सुशासन, शान्ति सुरक्षा कायम राख्नु छ । सेवा चुस्त, सरल, सहज र पारदर्शी बनाउने, भ्रष्टचारमुक्त नगरपालिका बनाउने, शिक्षा, स्वास्थ्य र सरसफाई क्षेत्रमा जनताले तत्काल अनुभूति हुने गरी कार्यक्रम लैजाने, सडक, सिंचाई, विद्युतिकरण र खानेपानी व्यवस्थालाई उच्च प्राथमिकता दिने, पर्यटनको संम्भावना रहेकाले पहिचान गरी प्रचार प्रसार गरि पर्यटन प्रर्वद्धन गर्ने, सुकुम्वासी समस्या समाधान गर्ने, ग्रीन सिटी बनाउने, खोलाको आवश्यकता अनुसार तटबन्ध, पिछडिएका वर्ग, अपाङ्ग, आदिवासी जनाजातिको उत्थान गर्ने लगायतका योजना नगरवासी समक्ष लगेको छु ।  

ँ नगरको मुख्य समस्या चाँहि के देख्नु भा’छ ? 

२ अव्यवस्थित ट्राफिक व्यवस्थापन, बजार अस्तव्यस्त छ । फोहोरमैला व्यवस्थापन चुनौतिको रुपमा छ । राजमार्गको उत्तरबेल्टमा सिचाईको अभाव छ । सडक विस्तार गर्नुछ । नगरमा अझै पनि कतिपय स्कुलले उमेरका विद्यार्थी आर्थिक अभावले शिक्षाको ज्योतिबाट बञ्चित हुनु परेको भेटिएको छ । यि सवै कार्य सम्पन्न गर्नका लागि आन्तरिक श्रोतको पनि अभाव छ । आन्तरिक श्रोतलाई बढाई समुन्नत र समृद्ध बनाउन सकिन्छ । त्यसका लागि सवैको साथ आवश्यक चाहिन्छ । 

ँ आम्दानीको श्रोत कहाँबाट जुटाउनु हुन्छ नि ? 

२ खैरहनी नगरपालिका प्रचुर संम्भावनाले भरिएको नगर हो । यहाँ पर्यटन कृषि र बजारीकरणको सम्भावना छ । व्यवसायिक कर उठाउन सकिएको छैन । यसबाट नगरले मनग्य आम्दानी गर्न सक्छ । निजी संस्थालाई फोहोर व्यवस्थापनको जिम्मा दिएर पनि श्रोत वढाउन सकिन्छ । प्रत्येक वडामा वाल उद्यान निर्माण गर्ने एमालेको योजना पनि भएकाले त्यसबाट आम्दानीसमेत गर्न सकिनेछ । पूर्व अर्थमन्त्रीसमेत रहेका साँसद हाम्रै क्षेत्रमा हुनुहुन्छ । केन्द्रबाट पनि वजेट ल्याउन सहज हुनेछ ।  

ँ निर्वाचन जित्नेमा कत्तिको आशावादी हुनुहुन्छ ? 

२ मलाई लाग्छ खैरहनी नगरपालिकामा मेरो प्रतिस्पर्धी कोही छैन र देख्दिन पनि । चुनाव प्रचारको दौडानमा पाएको सद्भावले पनि यसलाई पुष्टी गरेको छ । त्यसलाई तपाईले पनि नजरअन्दाज गर्नु भएको होला ? नेकपा एमालेले नगर विकासको लागि तय गरेको भिजनसँग खैरहनीवासीको पूर्ण समर्थन रहनेमा कुनै दुईमत रहने छैन । त्यसैले मेरो विजय सुनिश्चित देखेको छु ।  

ँ अन्त्यमा ..... ?

२ २०५४ सालमा गाविस अध्यक्ष भएर काम गरेको व्यक्ति हुँ । विगतको अनुभवको आधारमा पनि अहिलेको समय अनुसारको सेवा प्रदान गर्न सक्नेछु । सामाजिक क्षेत्रमा क्रियाशिल कार्यकर्ता हुँ । अव फेरी एक पटक जिताएर कार्य गर्ने अवसर दिनुहुनेछ भन्ने आशा छ । समृद्ध नगर वनाउने मेरो योजना छ । यो योजनालाई सार्थकता दिन आम नगरवासीको साथ चाहिन्छ । त्यसैले सुर्य चिन्हमा मत दिएर काम गर्ने अवसर दिनु हुनेछ भन्ने पुन आग्रह गर्दछु ।