Mon12112017

Last update01:57:25 AM

Back You are here: Home विचार दक्षिण एसियाकै उकृष्ट महानगर बनाउँछुः ज्ञवाली

विचार

दक्षिण एसियाकै उकृष्ट महानगर बनाउँछुः ज्ञवाली

नेकपा एमाले केन्द्रीय सल्लाहकार समितिका सदस्य तथा भरतपुर नगरपालिकाका पूर्व उपमेयर देवी ज्ञवाली स्पष्ट वक्ता, स्वच्छ छविका र मिलनसार गनिन्छन् । भरतपुर महानगर पालिका–४ लक्ष्मीपुर स्थायी घर भएका ज्ञवाली २०५४ सालमा भएको स्थानीय निकायको निर्वाचनमा विजयी भएर उत्कृष्ट काम गरेका थिए । त्यसैले त उपमेयर भएर उत्कृष्ट काम गरेवापत उनी सम्मानितसमेत भएका थिए । मुलुकमा नयाँ संविधान घोषणापछि पहिलो पटक हुन लागेको स्थानीय तहको निर्वाचन अन्तर्गत भरतपुर महानगरपालिकाको निर्वाचनमा उनी नेकपा एमालेको तर्फबाट मेयर पदको उम्मेदवार छन् । 

२०१९ असार ११ गते पर्वतमा जन्मेका उनी वि.सं.२०३० सालमा ११ वर्षको हुँदा पुष्पलालले नेतृत्वले गरेको बाल साँस्कृतिक समुहको सदस्य भएर नाटक खेलेका थिए । त्यसपछि २०३२ सालमा चितवन बसाइसरी आएका उनी पार्टी निकट विभिन्न संगठनमा आवद्ध भएर काम गर्न थाले । २०३६ सालमा उनी अनेरास्ववियु जिल्ला कमिटी अध्यक्ष भए । त्यसपछि पार्टी राजनीतिमा होमिए । दुइपटक एमाले चितवनको प्रमुख भएर जिम्मेवारी सम्हालिसकेका उनी पार्टीको केन्द्रीय सदस्य भएर प्रवासी नेपालीलाई हेर्ने गरी भारतको प्रमुख भएर कुशल जिम्मेवारी निर्वाह गरिसकेका छन् । 

उनकै नेतृत्वमा भरतपुर नगरपालिकाले केन्द्रीय बस टर्मिनल बनाउन शुरु गरेको थियो । उनकै नेतृत्वमा भरतपुर नगरपालिका र उद्योग वाणिज्य संघ नारायणगढले सहकार्य गरेर व्यवसाय कर उठाउने कामको थालनी गरेका थिए । ‘सार्वजनिक–निजी साझेदारी’ नाम दिइएको उक्त कार्यक्रमले अन्तराष्ट्रिय पुरस्कार समेत पायो । भरतपुरमा खानेपानीको हाहाकार थियो, वर्षायाममा ढलको निकासको प्रवन्ध थिएन । बजार उत्तिकै अव्यवस्थित थियो । त्यसलाई सम्हालेर उनकै नेतृत्वले व्यवस्थित पार्ने काम ग¥यो । भरतपुरमा खानेपानी आयोजना, सतही ढल निर्माण, नारायणगढ बजारमा सडक पेटी ब्यवस्थित पार्नुको साथै बजारलाई हरियाली पार्ने काम उनकै नेतृत्वमा भयो । समाज र राष्ट्रका लागि केही काम गर्नुपर्छ भन्ने सोच लिएर हिँडेका नेता ज्ञवालीसँग भरतपुर महानगरलाई दक्षिण एसियाकै उत्कृष्ट बनाउने योजना रहेको छ । उपमेयर हुँदा काम गरेका अनुभवलाई अब मेयर भएर सदुपयोग गर्ने उनी बताउँछन् । यसपटक उनले नारायणी नदीको पानीबाट विद्युत उत्पादन गर्ने, नारायणी र रापती नदीमा जलयात्रा गराउने, भरतपुरलाई पर्यटकीय केन्द्रका रुपमा विकास गरेर आयआर्जन वढाउने सोच आफूसँग भएको बताएका छन् । प्रस्तुत छ महानगरका मेयर पदका उम्मेदवार देवी ज्ञवालीसँगको कुराकानी ।

ँ भोट माग्न जनताको घरदैलोमा हुनुहुन्छ, मतदाताको चाहना के पाउनु भएको छ ?

२ अघिल्ला निर्वाचनहरुमा हामी भोट माग्न जनताको घरघरमा पुग्थ्यौं । तर यसपटक समय अलि कम भयो । यही समयलाई सदुपयोग गरेर हामीले जनतासँग भोट मागेका छौं । करिव २० वर्षपछि स्थानीय तहको निर्वाचन हुँदैछ । लामो समयपछि निर्वाचन हुन थालेकाले जनतामा एक खालको उत्साह छ । आफैले चुनेको जनप्रतिनिधिले महानगरको विकास गरुन् भन्ने चाहना नगरवासीमा छ । महानगरबासीको चाहना अनुसारनै मैले मेयर पदमा उम्मेदवार दिएको छु । 

ँ उपमेयर भएर काम गरिसक्नु भएको तपाईलाई मेयर हुने इच्छा कहाँबाट आयो ?

२ यो मेरो इच्छाले भएको होईन । यसमा जनचाहना पनि मिसिएको छ । तत्कालिन समयमा निर्वाचित भएर काम गर्दा पूरा गर्न बाँकी रहेको केही सपना थिए । त्यो सपना अझै पुरा भएका छैनन् । यस्तोमा जनताले पनि मलाई नै चाहेको र मैले देखेका सपनाहरु पुरा गर्नुपर्ने दायित्व ममा थियो । त्यसैले यसपटक भरतपुर महानगरपालिकाको मेयर बन्ने उत्साह पलायो । 

ँ तपाईले चुनाव जित्ने विश्वासिलो आधार के के हुन् ?

२ मैले चुनाव जित्ने आधार भनेको जनताको विश्वास हो । म स्थानीय छु । मेरो रगत पसिना यही माटोमा मिसिएको छ । यही माटोका लागि काम गरे । कतै लोभ लालच गरेको छैन, अनैतिक काम र भ्रमको खेती मबाट भएको छैन । यहाँको नगरबासीहरुमा पनि देवी ज्ञवाली मेयर भयो भने महानगरको विकाससँगै जनचाहना पुरा गर्छ भन्ने विश्वास छ । मलाई सबैले विश्वासमात्र होईन माया पनि गर्नुहुन्छ । म जनताको विश्वासको आधारमा म मेयर बन्न चाहन्छु । अहिलेसम्म साथ दिनुभएको छ र यो पटक पनि मलाई साथ दिनुहुन्छ भन्ने विश्वास लिएको छु । यसपटक नेकपा एमालेको तर्फबाट उम्मेदवार बनेपनि म सवैको साझा हुँ । चुनाव जितिसकेपछि अझै मैले सबैको साझा बनेर देखाउनु पर्दछ । मैले उपमेयर हुँदा पनि कुनै राजनैतिक उद्देश्यले प्रेरित भएर कुनै काम गरिन । यसपटक पनि मेरो कामबाट कुनै राजनीतिक गन्ध आउन दिने छैन । विपक्षी पार्टीका साथीहरुसँग सहकार्य गरेर अगाडि बढ्ने छु । मबाट मतदाताले गरेको अपेक्षा पनि त्यही हो । उम्मेदवार भएर घरदैलोमा जानेक्रममा मलाई मतदाताले चुनाव जित्ने हौसला र शक्ति प्रदान गरिरहनु भएको छ । मतदाताले दिएको शक्ति नै मैले चुनाव जित्ने आधार हो । 

ँ तपाईको चुनाबी एजेण्डाहरु के के छन् ?

२ चुनावी एजेण्डा भन्दा पनि नगरको विकासका लागि मेरो उम्मेदवारी हो । अबको मेरो एकमात्र शर्त महानगरपालिकाको सम्वृद्धि हो । भरतपुर महानगरलाई ग्लोबलाईजेसन गरेर विश्वमा चिनाउने मेरो धोको छ । त्यसको लागि पटिहानी, जगतपुर, मेघौली, गोलाघाट र देवघाटलाई आफ्नो विशेषताको आधारमा विकास गरेर विश्वसामु चिनाउने प्रयास गर्नेछु । महानगरपालिका भित्र अन्तर्राष्ट्रियस्तरको रंगशाला, सभागृह, ठाउँठाउँमा बाल उद्यान र पार्क निर्माण गरेर भरतपुरलाई सुन्दर महानगर बनाउने योजना छ । शिक्षा, स्वास्थ्य र रोजगारीको अवसर हरेक व्यक्तिले पाउनु पर्दछ । भरतपुर मेडिकल सिटीको रुपमा विकास हुँदै गएको छ, शिक्षा क्षेत्रमा पनि चितवनले राम्रो विकास गरेको छ । यो फगत् निजी क्षेत्रको प्रयासबाट मात्र सम्भव भएको हो, राज्यले यसलाई सहयोग र व्यवस्थित गर्ने प्रयास गरेको छैन । म महानगरको मेयर भएँ भने वास्तवमै भरतपुरलाई मेडिकल सिटी र शैक्षिक हवको रुपमा विकास गर्दछु । भरतपुर महानगरमा कृषि उद्यम र पर्यटनको संभावना प्रचुर छ, तिनको व्यवस्थित विकास गरेर जनताको आयस्तर बृद्धि गराउने छु । भरतपुर क्षेत्र अवस्थित रुपमा शहरीकरण हुँदैछ, तिनलाई व्यवस्थित पार्ने काम पनि महानगरको हो । यहाँ भूमिको बर्गिकरण गरेर आवास, कृषि र उद्यमका लागि छुट्टाछुट्टै स्थानमा योजनाबद्ध विकास गरिने छ । भरतपुर महानगरलाई आधुनिकता प्रदान गर्न बजार विस्तार र सडक निर्माण तथा मर्मतको कामलाई अझ बृहत्तर रुपमा गर्नुछ । भरतपुर महानगरलाई स्मार्ट सिटी, महानगरलाई एउटै शुत्रमा जोड्न रिङरोड लगायत विकास काम गर्न बाँकी छ । मैले चुनाव जितेमा भरतपुरलाई भौतिक पूर्वाधार हिसावले अत्याधुनिक, पर्यटकीय हिसावले उत्कृष्ट र प्रविधिमैत्री नगर बनाउने छु । हरेक नगरमा शहरीकरणसँगै फोहोरमैला व्यवस्थापनको समस्या जटिल बनेर आउँछ त्यसलाई व्यवस्थापन गर्ने योजना पनि मसँग छ । भरतपुर महानगरलाई हरियाली र पर्यावरणमैत्री महानगर बनाउने संकल्प मैले लिएको छु । यसरी महानगरको सर्वाङ्णि विकास गरेर भरतपुरलाई दक्षिण एसियाकै नमुना शहर बनाउने मेले उद्देश्य मैले लिएको छु ।   

ँ महानगरमा काँग्रेस–माओवादीले चुनावी तालमेल गरेका छन् तपाइले कसरी जित्नु हुन्छ ? 

२ हो यहाँ माओवादी–काँग्रेसबीच मेयर–उपमेयरमा तालमेल भएको छ । तर पनि मैले सहजै चुनाव जित्छु । सवैभन्दा पहिला हाम्रो पार्टीले लिएको एजेण्डा महत्वपूर्ण छ । त्यसपछि मेरो इमान्दारिता, मेरो योजना र मैले हिजो उपमेयर हुँदा गरेका राम्रा कामहरुले मलाई विजयी गराउँछ । मैलै यस नगरवासीको समस्या पिर मर्का बुझेको छु, यही माटोमा मेरो रगत पसिना बगेको छ । परिवर्तनका लागि नेपाली काँग्रेसका मित्रहरुसँगै आन्दोलनमा होमिएको छु । निरंकुश राजतन्त्रको अन्त्यका लागि आवाज उठाउँदा जेल परेको छु, यहीका जनताको समस्यासँग वर्षौदेखि जुधेको छु, मतदाताको घरदैलोमा पुगेको छु सामान्य जीवन यापन गरेको छु इमान्दार काम र कर्तव्यप्रति वफादार छु यही आधारमा मैलै चुनाव जित्छु । अधिकाँश मतदाताले मलाई राम्ररी चिन्नु भएको छ । म आफैले पनि धेरै मतदातालाई चिन्छु, अधिकाँशको घरमा पुगेको छु । सुखदुखमा साथी बनेको छ । त्यसैले कतिपय मतदाता आफैले मेरो प्रचार–प्रसार गरिरहनु भएको छ । मलाई जिताउने कसम खाएर मत माग्दै हिँड्नु भएको छ । त्यसलै चुनावी तालमेलले मलाई कुनै असर पार्दैन । हाम्रो पार्टीको पनि उपस्थिति बलियो छ र सँगसँगै देवी ज्ञवालीलाई माया गर्नेहरु पनि धेरै हुनुहुन्छ । जसको कारण मैले चुनाव जित्छु ।