Sun01212018

Last update01:57:25 AM

Back You are here: Home साहित्य बुढ्यौलीमा पहिलो बालप्रेमिकालाई प्रेम

साहित्य

बुढ्यौलीमा पहिलो बालप्रेमिकालाई प्रेम

मतिप्रसाद ढकाल

लकाश भन्ने नाम मैले २०३६ सालमा देवघाटमा दुई कक्षा पढ्दा नै सुनेको थिएँ । उनी बलेवा बागलुङका हुन् । उनका पद्याञ्जलि, ‘गीताञ्जली, ‘भावाञ्जली, ‘शौर्यगाथा बहरका लहरहरू नामक साहित्यिक कृतिहरू प्रकाशित भइसकेका छन् । उनको लघुकृतिका रूपमा फेसबुक सन्देश भर्खरै प्रकाशित भएको रहेछ ।

आजको युवापुस्तामात्र होइन, प्रौढपुस्ता पनि फेसबुकमा रमाइरहेका सन्दर्भमा आएको फेसबुक सन्देश नामक मुक्तक सङ्ग्रहको शीर्षकले नै मलाई निकै आकर्षित ग¥यो । प्राध्यापक कपिल अज्ञातको भूमिकाले सजिएको गोजी आकारको यस लघुकृतिमा १ सय ५० मुक्तक सचित्र र शीर्षकसहित समावेश गरिएका छन् । दम्पतीसुख विश्वास दुवै शीर्षकमा एउटै चित्र दोहोरिएको भएपनि अन्यत्र फरकफरक चित्र समावेश गरिनुले यसमा समाविष्ट मुक्तकलाई सहज रूपमा बुझ्न सघाएको छ ।

मङ्गलाचरणबाट ग्रन्थको प्रारम्भ गर्ने पूर्वीय सिद्धान्तलाई यस कृतिले पनि अवलम्बन गरेको देखिन्छ । गुरुवन्दना शीर्षकबाट प्रारम्भ भएको यो कृति जीवनसाथी शीर्षकमा पुगेर अन्त भएको छ ।