Sun01212018

Last update01:57:25 AM

Back You are here: Home साहित्य गजल

साहित्य

गजल

अमृत सुवेदी

यहाँ मान्छेको दर्जा पाउन गाह्रो छ

आफ्नै स्वाभिमान बचाउन गाह्रो छ

भयावहले बरु यहाँ मूर्दाहरु जाग्लान्

तर ज्यूँदाहरुलाई ब्यूँझाउन गाह्रो छ

यो देशका नेता देख्दा यस्तो लाग्छ

गधा धोएर गाई बनाउन गाह्रो छ

हामीहरु माटो खाएर बाँचिरहेका छौं

उनीहरुलाई घिऊ पचाउन गाह्रो छ

ए युवा पाखुरी लगाऊ, चट्टान फुटाऊ

सजिलै सपनाहरु फुलाउन गाह्रो छ

तिमी मेरो छेउ आउँदा यस्तो लाग्छ

अव फेरि त्यो जून उदाउन गाह्रो छ ।