Mon12112017

Last update01:57:25 AM

Back You are here: Home खेलकुद

खेलकुद

च्याम्पियनसीपमा नेपाललाई पहिलो जित


काठमाडौँ, ५ वैशाख । नेपाली ब्याट्सम्यानद्वय शरद भेषवाकर र विनोद भण्डारीको उत्कृष्ट प्रदर्शनको मद्दतले नेपालले विश्व क्रिकेट लिग च्याम्पियनसिपमा पहिलो जित निकालेको छ ।  
कीर्तिपुरस्थित त्रिवि क्रिकेट मैदानमा आज भएको खेलमा शरद र विनोदले अविजित रहँदै ८४ रनको साझेदारी गरेपछि नेपालको धर्मराएको इनिङ उकासिएको थियो ।
नेपालले महत्वपूर्ण पाँचौँ विकेट गुमाएपछि सातौँ ब्याट्सम्यानका रुपमा क्रिजमा आएका विनोदले तीन छक्का र एक चौकाको मद्दतमा ४९ बल खेल्दै ४० रन बनाए ।
त्यस्तै तेस्रो ब्याट्सम्यानका रुपमा आएका शरदले ९९ बल खेल्दै तीन चौकाको सहयोगमा ५० रन जोड्दै अर्धशतक पूरा गरे ।
नामिबियाले दिएको १९६ रनको लक्ष्य पछ्याउने क्रममा नेपालले १७ बल बाँकी छँदै अर्थात् ४७ दशमलव १ ओभरमा पाँच विकेट गुमाएर जित निकालेको थियो ।
शरद र विनोदबाहेक नेपालका लागि कप्तान पारस खड्का र उपकप्तान ज्ञानेन्द्र मल्लले २१÷२१ रन बनाए । त्यसैगरी नरेश बुढाएरले १६, राजेश पुलामीमगरले ९ तथा राजु रिजालले ६ रन बनाएका थिए ।
यसअघि टस जितेर ब्याटिङ गरेको नामिबियाले निर्धारित ५० ओभर खेल्दै सबै विकेट गुमाएर १९५ रन बनाएको थियो । नामिवियाका सारेल बर्गरले सर्वाधिक ३८ रन जोडेका थिए ।
यसअघि नामिवियालाई सामान्य रनको स्कोरमा समेट्न नेपालका वसन्त रेग्मीले तीन, सोमपाल कामीले दुई तथा कप्तान पारस र सन्दीप लामिछानेले समान एक–एक विकेट लिएका थिए । त्यस्तै,  नामिबियाका लागि बर्गर र गेरी स्यानम्यानले दुई÷दुई विकेट लिए पनि आफ्नो टोलीलाई जिताउन सकेनन् ।
खेलपछि नेपाली कप्तान खड्काले प्रतियोगितामै निस्किएको पहिलो जितले नयाँ वर्षमा नेपाली क्रिकेटमा नयाँ सुरुवात हुने सङ्केत गरेको बताए । साथी खेलाडीहरुले मेहनत गरेर कठिन जित निकालेको बताउँदै उनले भने – “झट्ट हेर्दा पाँच विकेटको जित सहज जितजस्तो देखिए पनि यसका लागि धेरै लडाइँ गर्नुप¥यो ।”
खेल हेर्न उपराष्ट्रपति नन्दबहादुर पुनलगायत विशिष्ट व्यक्तिसहित करिब ३०÷४० हजार दर्शकको उपस्थिति थियो । नेपाल र नामिबियाबीचको अर्को खेल सोमबार हुनेछ । रासस

अमेरिका नेपालद्वारा आठ विकेटले पराजित

अमृत बास्कुने
नारायणगढ, २५ भदौं । नेपालले अपाराजित रहदैं आइसीसी लिग डिभिजन–४ प्रतियोगिता टुङ्ग्याउने क्रममा सोमबार भएको फाइनल खेलमा अमेरिकालाई आठ विकेटले पराजित गरेको छ ।
अमेरिकाले ४८ ओभर एक बलमा अलआउट हुँदै एक सय ४५ रन जोड्दै नेपाल सामु प्रस्तुत गरेको एक सय ४६ रनको बिजय लक्ष्य नेपालले एक सय ३२ बल खेल्न बाँकी छदै २८ ओभरमा दुई विकेटको क्षतीमा पुरा ग¥यो । नेपालले अमेरिकालाई हराउने क्रममा कप्तान पारस खड्काले २५ र सुवास खकुरेलले नट आउट ४० रन जोडे । नेपालका ओपनर ब्याट्सम्यान ज्ञानेन्द्र मल्लले ६६ रनमा आउट भए अनिल मण्डलले नेपालका लागि तीन रन जोडे ।
डिभिजन–४ को फाइनल खेलमा नेपाल सामु अमेरिकी बलर तथा ब्याट्सम्यान सबै निरिह सावित भएका थिए । उनीहरुले प्रयोग गरेको कुनै पनि शुत्र सफल हुन नसक्दा २८ औं ओभरमा जितका लागि आवश्यक रहेको १२ मध्ये सुवास खकुरेलले एक रन लिएर स्ट्राइकमा पठाएका पारस खड्काले दुई चौका र दुई पटक दुईदुई गरी १२ रन बटुल्दै ओभरको अन्तिम बलमा जित निकाले ।

Read more...

महिला फूटबलमा नेपाल आर्मी र एपीएफ विजयी

चितवन, ३१ भदौ । नारायणगढको क्याम्पाचौरमा जारी महिला लिग राष्ट्रिय फुटबल प्रतियोगिता अन्तर्गत मंगलबार सम्पन्न दुई खेलमा नेपाल आर्मी र सशस्त्र प्रहरी विजयी भएका छन् ।
पहिलो खेलमा नेपाल आर्मीले पश्चिमाञ्चललाई २–० ले पराजित गरेको थियो । मध्यान्तरअघि गोलरहित बराबरीमा सकिएको खेलमा मध्यान्तरपछि आर्मीका लागि कविता धिमाल र अन्सरी वाइबाले एक, एक गोलको योगदान गरे । धिमालले खेलको ४७ औं मिनेटमा र वाईबाले ६२ औँ मिनेटमा गोल गरेपछि खेल २–० मा टुंगिएको हो । तालिमप्राप्त विभागीय टोलीसँगको प्रतिस्पर्धामा सशक्त ढंगले उत्रिएको पश्चिमाञ्चलले नतिजा आफ्नो पक्षमा पार्न भने सकेन ।
प्रतियोगिता अन्तर्गत मंगलबारको दोश्रो खेलमा सशस्त्र प्रहरीको टोली एपीएफले गोलको वर्षा नै गरायो । सुदुरपश्चिमाञ्चललाई १०–० को फराकिलो अन्तरले पराजित गरेको एपीएफका लागि सजना रानाले मात्रै चार गोल गरिन् । अनिता बस्नेतले दुई, रेनुका नगरकोटीले दुई, सावित्रा भण्डारीले एक र सपना राईले एक गोल थपेपछि फाइनल स्कोर १०–० हुन पुग्यो । एपीएफले मध्यान्तरअघि ६ र पछि ४ गोल गरेको थियो ।
प्रतियोगिता अन्तर्गत बुधबार दुई खेल हुनेछन् । पहिलो खेलमा डिफेन्डिङ च्याम्पियन नेपाल प्रहरीविरुद्ध मध्यमाञ्चल र दोस्रो खेलमा मध्यपश्चिमाञ्चलविरुद्ध पूर्वाञ्चल भिड्दैछन् ।
यसैबीच, मंगलपुरमा जारी ज्ञानेश्वर कप फुटबल प्रतियोगितामा मंगलबार सम्पन्न समूह चरणको अन्तिम खेलमा विजयी हुँदै मंगलपुर ८ क्वार्टरफाइनलमा पुगेको छ । मंगलपुर २ लाई १–० ले पराजित गर्दै मंगलपुर ८ क्वार्टरफाइनल पुगेको हो ।

नेपालद्वारा अमेरिका ३२ रनले पराजित

काठमाडौँ, २२ भदौ । आइसिसी विश्व क्रिकेट लिग डिभिजन ४ मा नेपालले लगातार चौथो जित हात पारेको छ ।
मलेसियाको किन्रारा ओभल मैदानमा शुक्रबार भएको खेलमा संयुक्त राज्य अमेरिकालाई ३२ रनले हराएपछि नेपालको डिभिजन ३ मा उक्लिने संभावना बलियो बनेको छ ।
खेलमा जितका लागि दुई सय ५९ रनको लक्ष्य पछ्याएको अमेरिकालाई नेपालले ४८.२ ओभरमा दुई सय २६ रन बनाएर अल आउट ग¥यो ।
नेपालका बसन्त रेग्मीले पाँच तथा शक्ति गौचन र सञ्जम रेग्मीले समान दुई–दुई तथा अमृत भट्टराईले एक विकेट लिए ।  
यसअघि टस जितेर पहिला ब्याटिङ रोजेको नेपालले सुवास खकुरेलको शतकीय योगदानको मद्दतमा ५० ओभरमा आठ विकेट गुमाउँदै दुई सय ५८ रन बनाएको थियो ।
सुवासले एक सय ४२ बलको सामना गर्दै १० चौका र दुई छक्काको मद्दतमा एक सय १५ रन बनाए । त्यसैगरी ज्ञानेन्द्र मल्ल ४६ र पारस खड्काले ४१ रन बनाए । ज्ञानेन्द्रले पाँच चौका प्रहार गरेका थिए भने अनिल मण्डलले २० रन बनाएका थिए ।
सबै चार खेल जित्दै नेपाल अङ्क तालिकामा आठ अङ्कसहित पहिलो छ भने छ अङ्कसहित सिङ्गापुर दोस्रो र डेनर्माक तेस्रो स्थानमा छन् ।
नेपालले आइतबार आफ्नो अन्तिम खेलमा डेनमार्कको सामना गर्नेछ । पहिलो स्थानमा रहेको नेपालको रनरेट पनि राम्रो भएका कारण आइतबार डेनर्माकसँगको खेल सामान्य अन्तरले हारे पनि नेपाल डिभिजन –३ मा उक्लिनेछ ।

महिला लीग राष्ट्रिय फुटबल हुने

नारायणगढ, २८ भदौ । अखिल नेपाल फुटबल संघको वार्षिक कार्यक्रम अनुसार भदौ ३० गतेदेखि नारायणगढमा महिला लीग राष्ट्रिय फुटबल प्रतियोगिता हुने भएको छ ।
चितवन जिल्ला फुटवल संघले भदौ ३० गतेदेखि असोज ८ गतेसम्म नारायणगढको क्याम्पाचौरमा वेष्र्टन युनियन महिला लीग राष्ट्रिय फुटबल प्रतियोगिता–२०७१ गर्न लागेको हो । शनिबार नारायणगढमा पत्रकार सम्मेलन गरी चितवन जिल्ला फुटबल संघले प्रतियोगिताबारे जानकारी गराएको हो ।

Read more...

मिडिया कप–हाम्रो एफएमलाई उपाधि

गैंडकोट, २ भदौ । नवलपरासीमा सञ्चालित अन्तर मिडिया कप भलिबल प्रतियोगिताको उपाधि चितवनको हाम्रो एफएमले हात पारेको छ ।
गैँडाकोटस्थित जनक उच्च माविको मैदान काँग्रेसचोकमा शनिबार विहान भएको खेलमा नवलपरासीको रेडियो मध्यबिन्दुलाई पछाडी पार्दै हाम्रो एफएम चितवन विजयी भएको हो ।
नवाँै वार्षिकोत्सवको अवसरमा सामुदायिक रेडियो विजय एफएम १०१.६ ले आयोजना गरेको अन्तर–सञ्चारसंस्था मैत्रिपूर्ण सेमिफाइनलको दोस्रो खेलमा चितवनको सिनर्जि एफएमलाई २५–१७ र २५–२२ को सोझो सेटमा हराउँदै हाम्रो एफएम फाइनलमा पुगेको थियो ।

Read more...

जिल्लास्तरीय एथलेटिक्समा आयोजक पहिलो

चितवन, २९ मङ्सिर स्मलहेभन स्कूल कल्याणपुर चितवनमा सम्पन्न जिल्लास्तरीय अन्तर विद्यालय एथलेटिक्स प्रतियोगितामा आयोजक विद्यालय पहिलो भएको

विभिन्न १३ विधामा सम्पन्न प्रतियोगितामा कूल ३६ अंकसहित आयोजक स्मलहेभन स्कूल पहिलो, विजय कोअपरेटिभ स्कूल गैंडाकोट दोश्रा स्मलहेभन मोडेल स्कूल आँपटारी तेश्रा भएको

Read more...