Mon12112017

Last update01:57:25 AM

Back You are here: Home अर्थ समाचार

अर्थ समाचार

ऋणीलाई अन्याय नगरिएको बैंकको दाबी

शंकर सुवेदी चितवन, २३ साउन । नारायणगढको लायन्सचोकमा रहेको सेन्चुरी कमर्सियल बैंकले बैंकका ऋणी लिंक इन्टरनेशनलका संचालक माधवकुमार गौतमलाई कुनै अन्याय नगरेको जनाएको छ । बैंकले शनिबार पत्रकार सम्मेलन गरी ऋणी गौतमसँग २०६९ सालदेखि कारोबार गर्दै आएको र राम्रो सम्बन्ध रहेको भएपनि पछिल्लो समय ऋणीले ऋण रकमको दुरुपयोग गरेको जनाएको छ । बैंकद्वारा जारी प्रेस विज्ञप्तिमा माधव गौतमले पटकपटक गरी बैंकबाट तीन करोड २० लाख रुपैयाँ कर्जा लिएकोमा साँवा र ब्याज गरी जम्मा ७८ लाख तिरेको उल्लेख छ । बैंकले ऋणी माधव गौतमले विभिन्न मिडियाहरुमा आफूलाई अन्याय गरेको भनी आएका समाचारप्रति बैंकको ध्यानाआकर्षण भएको बताएको छ । बैंकका शाखा प्रमुख प्रकाश गौतमले ऋणी माधव गौतमसँग बैंकले दुई करोड ७१ लाख साँवा र नौ लाख ब्याज गरी दुई करोड ८० लाख लिन बाँकी रहेको बताए । बक्यौता तिर्नका लागि गौतमलाई बारम्बार ताकेता गर्दा पनि ऋण बुझाउन नआएको उनले बताए । ऋणी गौतमले बैंकमा धितो राखेको नारायणगढ वडा नम्बर ६ क कि. नं. १५८२ र ऐ. कि. नं. १५८५ को जग्गा र सो जग्गामा रहेको घर बैंकले गतवर्ष माघ २५ गते आफ्नो स्वामित्वमा लिएको बैंकका शाखा प्रमुख गौतमले बताए । ऋणी गौतमले बैंकको स्वामित्वमा रहेको घर खाली गर्न मागेको समय बैंकले दिए पनि म्याद सकिए पनि विभिन्न बहानामा घर खाली गर्न नमानेपछि स्थानीय प्रशासन, प्रहरी र नगरपालिकाको सहयोगमा यही साउन १४ गते बैंकले घर खाली गराएको थियो । उक्त घरमा बैंकले लगाएको ताला सात दिनपछि ऋणी गौतमले आफूखुसी तोडेको बैंकका क्षेत्रीय प्रबन्धक गोकर्ण दवाडीले बताए । यो बैंकिङ कसुर भएकोले यसको भागीदार गौतम बन्नै पर्ने दवाडी बताउँछन् ।

दोश्रो पर्यटकीय गन्तव्यमा पर्यटक घटे

मेघौली, २४ असोज । चितवनकै दोस्रो पर्यटकीय क्षेत्र मेघौलीमा पर्यटक आगमन प्रायः शून्य जस्तै भएको छ । विगतमा पर्यटकको राम्रै चहलपहल हुने मेघौली क्षेत्रमा यस वर्ष फाट्टफुट्टमात्रै पर्यटक आउने गरेको व्यवसायीहरुले बताए ।

पर्यटकको आगमनमा कमी भएपछि पर्यटन वर्षको समयमा मेघौलीमा सञ्चालन भएका होमस्टेको अवस्थासमेत दयनीय बन्दै गएको मेघौली पर्यटन विकास समितिका अध्यक्ष इन्द्रबहादुर केसीले बताए । यसैगरी मेघौलीको हवाई मैदानसमेत सञ्चालनमा आउन नसकेको बताइन्छ ।

सरकारले निकुञ्जभित्रको होटलहरुलाई सञ्चालन अनुमति नदिएपछि त्यहाँको होटल टाइगर टप्स बन्द भएको छ । यसअघि टाइगर टप्सका पाहुनाहरु जहाजमा आउने गरेको कारण मेघौली विमानस्थल पनि सञ्चालनमा रहेको थियो । यात्रु अभावमा जहाज आउन छाडेपछि त्यहाँको हवाई मैदान पनि झाडीमा परिणत भएको व्यवसायीले बताए ।

Read more...

चितवनका सहकारीहरूको कारोबारमा ह्रास

चितवन, २ भदौ । अघिल्लो आर्थिक वर्षको तुलनामा गत आर्थिक वर्षमा चितवनका सहकारीहरूको कारोबार घटेको छ ।
आव २०६७÷०६८ मा चितवनका सहकारीहरूले कुल दुई अर्ब ७० करोड ३४ लाख पाँच हजारको आर्थिक कारोबार गरेका थिए । तर २०६८÷६९ मा सहकारीहरूको कारोबारमा कमी आएको सहकारी प्रशिक्षण तथा डिभिजन कार्यालय चितवनले जनाएको छ ।
कार्यालयले दिएको जानकारीअनुसार आव २०६८÷६९ मा दुई अर्ब सात करोड ४५ लाख १२ हजारको आर्थिक कारोबार गरेका छन् ।
चितवनमा प्रारम्भिक सहकारी पाँच सय १५, जिल्ला सहकारी एउटा र विषयगत सहकारी गरी कुल छ सय २१ वटा सहकारीले आव २०६८÷६९ मा दुई अर्ब सात करोड ४५ लाख १२ हजारको आर्थिक कारोबार गरेका हुन् ।

Read more...

घर जग्गाको कारोबारमा सुधारको सङ्केत

चितवन, २३ भदौ । चितवन जिल्लामा केही वर्षदेखि ओरालो लागेको घर जग्गाको कारोबारमा विस्तारै वृद्धि हुने सङ्केत देखिएको छ । बैंँक र वित्तीय संस्थाले कर्जा प्रवाहमा लचकता देखाएपछि यो सङ्केत देखिएको हो ।
चालु आर्थिक वर्षको साउन महिनामामात्रै मालपोत कार्यालय चितवनमा घर जग्गाको कारोबारबाट एक करोड ७१ लाख ६६ हजार राजस्व सङ्कलन भएको छ । गत आर्थिक वर्षको सोही अवधिमा जम्मा ९९ लाख ७९ हजार रुपैयाँ राजस्व सङ्कलन भएको थियो ।
प्रत्येक आर्थिक वर्षमा घरजग्गाको कारोबारको मूल्याङ्कनमा हेरफेर गरिनुले पनि चालु आर्थिक वर्षको साउनदेखि नै चितवनमा घरजग्गाको कारोबारमा वृद्धि हुने सङ्केत देखिएको मालपोत कार्यालय चितवनका कुश्माकर अधिकारीले बताए । उनले भने—जग्गाको प्रकृति हेरेर मूल्याङ्कन गरिन्छ । त्यसको आधारमा जग्गाको कारोबार हुन्छ र राजस्व बढ्न जान्छ, अनि घर जग्गाको कारोबारमा वृद्धि भएको देखिन्छ ।
नारायणी जग्गा तथा आवास व्यवसायी सङ्घ चितवनका अध्यक्ष दिनेश चुकेले पछिल्लो समयमा चितवनमा घर तथा जग्गा किन्नेको चहलपहल बढ्दै गएको बताए । “बैंँक ब्याजदर घटेकाले घर जग्गाको कारोबार क्रमशः उकालो लाग्ने अवस्थामा छ” चुकेले भने ।

Read more...